МАШРИҚЗАМИН – ҲИКМАТ БЎСТОНИ

Оз бўлса ҳам баракаси бўлсин.

***

Номард иш битгач гина қилади.

***

Яхши ёмон бўлиши мумкин , лекин ёмон ҳеч қачон яхши бўлмайди.

***

Севган ҳамма азобни ўзига олади.

***

Озда ҳикмат, Кўпда иллат.

***

Кўпчилик тарозига ўхшайди: бошқаларни ўлчайди-ю, ўзини ўлчолмайди.

***

Ким бир лаҳзада мангуликни яратади, кимнинг бутун умри беҳуда ўтади.

***

Ким қайси даврада юрса, ўшанинг гапини айтади.

***

Инсон билмаган нарсасига қизиқади – билганинг қизиғи йўқ.

***

Қадрсиз меҳнат қаритади.

***

Дунёда нодоннинг ўзини доно кўрсатишидан-да кулгили нарса бўлмаса керак.

***

Нодоннинг ҳақиқатига ўзидан ўзга ишонмайди.

***

Ҳайвон ҳам нодондан афзал, чунки сезгилари унга тўғри йўлни кўрсатади.

***

Муҳаббатни куч билан ушлаб туриб бўлмайди.

***

Керакка югуриб етолмайсан, кераксиз оёғингнинг остидан чиқади.

***

Муттаҳамлик касб эмас, табиат.

***

Нодон оқибатни кўролмайди.

***

Нафс кишининг қўл-оёғини боғлаб беради.

***

Бировга қолган кун ўтмас.

***

Бермаснинг оши битмас.

***

Ваҳимачи ўзини ҳам, ўзгаларни ҳам қийнаб яшайди.

***

Қаноатсизлик одамни адо қилади.

***

Оиланинг устуни муҳаббат – жангу жанжал эмас.

***

Оқил тадбир билан, жоҳил занжир билан.

***

Яхши дуо олиб яшайди, ёмон қарғиш.

***

Тенгинг йўқ жойга борма.

***

Кундалик жангу жанжал оила устунига тинимсиз урилаётган болтадир – у бир куни бу устунни емиради.