Бисмиллаҳир Роҳманир Роҳим.
Аёлларнинг Қуръонни хатм қилиш мақсадида таровеҳни жамоат бўлиб ўқишлари макруҳ ҳисобланади.
Аёллар учун бу борада энг мақбул ечим уйида ўзи таровеҳ намозини ўқийди. Кучи етгунича Қуръони каримни ўқиб, хатмини ҳам қилиб бораверади.
Қолаверса, аёлларнинг намози ҳақида Набий соллаллоҳу алайҳи ва саллам бундай деганлар:
“Аёл кишининг ҳовлисидаги намозидан уйдаги намози афзалдир. Унинг уйдаги намозидан ўзига хос хонасидаги намози афзалдир” (Имом Абу Довуд ва Имом Баззор ривоятлари).
Валлоҳу аълам.
Ўзбекистон мусулмонлари идораси
Фатво маркази.