СПАРК МУБОРАК!

Кеча «Ёш китобхон» танловин кўриб,
Китобга муҳаббат қўмсади кўнглим.
Истеъдод меъмори – Юртбошим берган,
Мукофот муборак, Шарофат синглим!

Биз асли азалдан буюк элатмиз,
Оламга маърифат зиёсин сочган.
Чеки йўқ самода мўъжиза янглиғ,
Мавҳум коинотнинг тилсимин очган.

Юз минглаб ҳадисни жо қилган қалбда,
Муҳаддис бобомнинг вориси сизлар.
Нобель мукофотин олмоғи тайин,
Китобга ошуфта водийлик қизлар.

Бир овоз келмоқда юрак тубидан:
Жаҳолат ўткинчи, барчаси абас.
Ки ҳали кўргайсиз, сиздек ёшларга,
Ҳатто малаклар ҳам қилгайдир ҳавас.

Эркин ҚУДРАТОВ,

Мир Араб ўрта махсус ислом билим юрти мударриси