Янгиликлар
ЖАҲОН БАНКИ АФҒОНИСТОНГА 500 МИЛЛИОН ДОЛЛАР АЖРАТДИ
Жаҳон банки Афғонистонга қашшоқлик билан курашиш учун 500 миллион долларга яқин маблағ ажратди. Ушбу маблағ камтаъминланган фуқаролар микрокредитларига, электр узатиш йўлларини қуриш, қишлоқ жойларида йўллар барпо этиш ҳамда озиқ – овқат хавфсизлигини таъминлашга ишлатилади.
Хусусан, йўл қурилиши учун 100 миллион долларга яқин, электр таъминоти учун – 60 миллион доллар, қочқинларни қўллаб – қувватлаш учун 44 миллиондан ортиқ, шахарни ривожлантириш учун – 20 миллионга яқин, дон махсулотлари захираларини тўлдириш учун ҳам 20 миллионга яқин маблағ сарф этилиши режалаштирилмоқда. Афғонистон молия вазири Эклил Хакими таъкидлашича ушбу маблағ давлат бюджетидан ошкора ва самарали равишда сарфланади.