ХУШХАБАР: ЖУМА НАМОЗИ АРАФАСИДА ЯНГИ ЖОМЕЪ МАСЖИДИ ОЧИЛДИ

Ушбу масжид Тошкент вилояти Юқори Чирчиқ туманидаги “Қизилсой” маҳалласи, буюк ипак йўли кўчаси, 40 уйда фаолият олиб боради. Мазкур масжид номи Ҳазрати Муоз ибн Жабал розияллоҳу анҳу номларига қўйилди.

Маълумот учун, Муоз ибн Жабал масжиди очилиши билан Тошкент вилоятидаги масжидлар сони 226 тага етиб, Республикамиз бўйича Самарқанд вилоятидан кейин масжиди кўп ҳудудга айланди. Шу тариқа юртимиздаги масжидлар сони 2073 тага етди.

Яқинда ҳам янги очилган масжидлар ҳақида маълумот берган эдик.

Масжид барпо этиш ва очишда кўмакдош бўлаётган барча юртдошларимизни Ҳақ таоло икки дунё саодатидан баҳраманд этсин, янги жоме барчамизга муборак бўлсин!

Ўзбекистон мусулмонлари идораси
Масжидлар бўлими