АДОЛАТ ЯХШИ

     АДОЛАТ ЯХШИ
         МАХТУМҚУЛИ

Асло одамзодга аччиқ сўз қилманг,
Фақиру мискинга далолат яхши.
Бахилга учраманг – кулар юз бўлманг,
Ишни битирмоққа кифоят яхши.

Етимни кўрганда кулар юз бўлгил,
Қўлдан келса, унга таом-туз бергил,
Ғамгинни кўрганда ширин сўз бергил,
Чорасиз қулларга ҳимоят яхши.

Йигит улдир, сўзга айласа амал,
Қўлдан келмас ишга этмаса жадал,
Аллоҳнинг амрига қилмагил бадал,
Бекка – сахо, шоҳга адолат яхши.

Ҳариблик бир дарддир – одам ўлдирмас,
Ўлдирмас, ҳаётда лекин кулдирмас,
Бўрига ажзини ит ҳам билдирмас,
Албатта, душманга сиёсат яхши.

Махтумқули, шукр, ширин тил берди,
Дарахтлар кўкариб, самар, гул берди,
Гўрўғли Райҳонга қандай ёлборди? –
“Омонлиқ” деганга диёнат яхши.