Мақолалар

ОЛИЙ КОШОНАМ!

Меҳрибон онадек бағрингга олдинг,
Таълим бериб, нурли ҳаётга солдинг.
Бугун кўз ёш ила кузатиб қолдинг,
«Мир Араб» мадрасам – олий кошонам.

Энг азиз дўстларни шу ердан топдим,
Занг босган иллатни сенда йўқотдим.
Энди кетар чоғда қайғуга ботдим,
«Мир Араб» мадрасам – олий кошонам.

Тўрт йил билим олдик бағрингда, раҳмат,
Ҳаётга асқотса, чекмаймиз заҳмат.
Мангу унутмаймиз, ўтса-да фурсат,
«Мир Араб» мадрасам – олий кошонам.

Устозлар, қадрингиз асло сўнмасин,
Шогирдлар чиқиши мудом тинмасин.
Қиёматга қадар Аллоҳ қўлласин,
«Мир Араб» мадрасам – олий кошонам.

Бизлар кетмоқдамиз, дуода бўлгин,
Виждонга, иймонга, ирфонга тўлгин.
Аллоҳга омонат мана шу замин,
«Мир Араб» мадрасам – олий кошонам.

Қадрингга етмадик, гар хато қилдик,
Вақт олий ҳакамдир, афсус, кеч билдик.
Рози бўл, чин дилдан сенга интилдик,
«Мир Араб» мадрасам – олий кошонам!

 

Эркин ҚУДРАТОВ,

Мир Араб ўрта махсус ислом билим юрти
Ҳадиси шариф фани мударриси

Теглар
Кўпроқ кўрсатиш
Back to top button
WP Facebook Auto Publish Powered By : XYZScripts.com

Adblock​ аниқланди

Илтимос, реклама блокерингизни ўчириш орқали бизни қўллаб-қувватланг