МАСЖИДУЛ-ҲАРОМДА СМАРТ РОБОТЛАРДАН ФОЙДАЛАНИЛЯПТИ

Масжидул ҳаромда стерилизация ишларини амалга ошириши учун ўнта смарт робот олинди, дея хабар бермоқда Saudi Gazette.

Бундан кўзда тутилган мақсад зиёратчиларнинг санитария-эпидемиология хавфсизлигини таъминлашдир. Роботлар Масжидул ҳаром ва унинг атрофини зарарсизлантириш учун дастурланган. Улар харита бўйлаб ҳаракатланади ҳамда ҳудудда антисептикларни самарали сепиш учун мустақил равишда таҳлил ўтказади. 

Смарт роботлар инсоннинг аралашувисиз 5-7 соат ишлай олади. Улар 600 квадрат метр майдондаги бактерияларни йўқ қилиш учун қарийб 24 литр антисептикни сепиб чиқади.

Роботлар Икки муқаддас масжид ишлари бўйича бошқарма томонидан олиб келинган.

 

azon.uz